Müasir avtomobillərdə niyə bu qədər ekran var, amma düymə demək olar ki qalmayıb?

Hamıya salam 👍yeni model bir avtomobil sürmək imkanım oldu və açığı sadə funksiyaların belə sensor ekrana gizlədilməsi məni təəccübləndirdi. Ventilyatorun sürətini artırmaq, oturacaq qızdırıcısını açmaq, hətta bəzi sürüş rejimlərini dəyişmək üçün gözünü yoldan çəkib menyular arasında gəzməlisən 🤦‍♂️ Köhnə maşınlardakı mexaniki düymələr və çevirməklər mənə daha sürətli və daha rahat gəlirdi İstehsalçılar bunu texnoloji inkişaf kimi təqdim edirlər, amma kənardan baxanda bu daha çox xərclərin azaldılması və müasirlik adı altında bəzədilmiş bir yanaşma təsiri bağışlayır. Fiziki düymələrdə əzələ yaddaşı formalaşırdı sürücü baxmadan, düşünmədən istədiyini edə bilirdi. Sensor ekranlar isə yalnız hər şey problemsiz işləyəndə gözəl görünür. Proqram gecikəndə, ekran günəş işığında oxunmayanda və ya sistem donanda bu rahatlıq dərhal yox olur. Texnologiyaya qarşı deyiləm, amma bir düyməni çevirməyin niyə birdən-birə köhnəlmiş sayıldığını anlamaq çətindir. Sürücülük onsuz da maksimum diqqət tələb edir. Üzərinə əlavə vizual yayındırıcılar gətirmək isə irəli addımdan çox, geri addım kimi görünür 🤦‍♂️ səhər-səhər deyindim biraz 😁